Li furasteri ca in Sicilia sunu
la guardanu ccu grandi meravigghia
dicinu ca nun’ c’è ‘na tuttu u munnu
n’isula c’ala nostra sa simigghia.
La Conca d’Oru chista cascia duci,
sutta la nivi Mungibeddu ridi
Spara lu faru la sua bianca luci
l’Anapu scurri ‘mmenzu a li papiri
Sicilia, Sicilia canta la pasturedda
Sicilia, Sicilia, murmura a funtanedda
L’aria e lu suli inghinu l’arma di puisia
Sicilia, Sicilia, tu si la terra mia.
L’aceddi pipitianu a matinata
tra zagari d’aranci e minnulicchi
ccu la vucidda duci e zuccarata
cantanu comu parranu li ziti.
Lu suli spunta in tutta la campagna
d’oru zecchinu pari la vallata
li picureddi supra la montagna
brusicanu l’irbuzza ‘mbarsamata