Ninu nanu. lu picuraru
cìarameddri ci n ‘è un paru
e sunammuli tutti dù
ca Maria s’allegra cchiù !
– Ha vinutu lu picuraru
e un’avia chi ci purtari
porta latti nti la scisca
cascavaddru e tuma frisca.
– Ha vinutu lu cacciaturi
e un’avia chi ci purtari
porta un libru e un cunigghiu
ppi la mamma e ppi lu fìgghiu.
– Ha vinutu lu lignamaru
e un’avia chi ci purtari
porta un fasciu i’ ligna ranni
ppi sciucarici li panni.
– Ha vinutu la zingareddra
ha vinutu di li muntagni
ci purtau na cannistreddra
di nuciddri e di castagni.
Sì un su boni cumpatìti
e l’affettu riciviti
cumpatiti, Matri mia,
pirchi semmu a la campia.
– Chiddra notti disiata
ca nasciju lu Verbu eternu
cu la vista so sacrata ralligrau lu friddu ‘nvernu.