Mmenzu l’arbuli ammucciata
tra lu lippu e la virdura
c’è na grutta abbannunata
ccu na vecchia mangiatura
Nni sta grutta sdirrupata
mmenzu u’ vò e u’ sciccareddru
a lu centru da nuttata
nasci u’ Santu Bambineddru.
Ci mancavanu palazzi
a lu re di li ricchizzi
ca nasciju tra li strapazzi
mmenzu poviri pannizzi?
La gran Vergini Maria dici:
Beddru Figghiu miu!
L’angiuleddru a la chiaria
canta a gloria o’ grand’Iddiu.
Canta a gloria o’ grand’Iddiu.